Ресейлік тележүргізуші Ксения Собчак Путиннің рұқсатымен президенттік сайлауға түспекші (видео)
Ксения Собчак Ресей президенті қызметіне өзін ұсынғанын ресми түрде жариялады. Тележүргізуші бес жылдан бері оппозиционерлермен бірге екенін, ондаған мың адам өзгеріс талап етіп, митингке шыққанымен, елде оң өзгерістер болмай отырғанын айтты.
Бұл туралы Centralasian.org хабарлайды.
“Ұрылар мен жемқорлар өтірік айтуын, ал билік басындағылар ұрлауын доғарар емес”, – деп мәлімдеді Собчак.
“Ксения Собчак – барлығына қарсы үміткер”, – деп мәлімдеді тележүргізуші.
Собчактың президенттік сайлауға үміткер болатыны қыркүйек айының басында белгілі болды. БАҚ мәліметіне қарағанда, тележүргізуші президент Владимир Путин әкімшілігінің рұқсатымен сайлауға бара жатыр.
Собчактың өзі Кремльмен келісімі бар дегенді жоққа шығарды. Сайлауға қатысқысы келетін оппозиционер Алексей Навальный тележүргізушіні сынап, “карикатуралық либерал үміткер” деп атады. Собчак Навальныйды оппозицяның ыдырауына айыпты деп сынады, дегенмен “күш біріктіруге” шақырды.
Петербургтың бұрынғы басшысы Анатолий Собчактың қызы 2004 жылдан бері ТНТ телеарнасының “Дом-2” шоуын жүргізген. Жақында Собчактың әкесі туралы деректі фильм түсіретіні, оған Ресей президенті де қатысатыны белгілі болды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе