Нұр-Сұлтан
Қазір
9
Ертең
8
USD
427
0.00
EUR
497
0.00
RUB
5.5
0.00

ҚР Ішкі істер министрінің орынбасары Маңғыстау облысында арнайы сапармен болды

Жиналыста алдымен Маңғыстау облысы ІІД бастығы полиция полковнигі Қайрат Дәлбеков облыс бойынша шұғыл ахуалды қысқаша айтып өтті.  Ол аймақтағы жалпы қылмыстылық деңгейдің республика бойынша ең төменгі екенін ерекше атады.

Дәлбековтың айтуынша, аймақтағы криминогендік ахуалдың тұрақтылығына полиция қызметінің материалды-техникалық базасын күшейту де ықпал еткен. Бір жыл ішінде арнайы автокөліктің 45 бірлігі, 217 портативті және 40 автомобильді бейнебақылау алынды. Облыс бойынша 172 бейнебақылау камерасы жұмыс істейді, олардың көмегімен 210 қылмыс ашылып, 30 мың 271 әкімшілік құқық бұзушылық анықталды.

Ағымдағы жылы облыс әкімдігінің қолдауымен Ақтау қаласының 22 шағын ауданында тағы да 500 бейнебақылау камераларын орнату жоспарлануда екен.
Жиналыста ІІД бастығының орынбасарлары, аумақтық бөліністер басшыларының да баяндамалары тыңдалды.

Министрдің орынбасары Департаменттің жеке құрамына Елбасы Нұрсұлтан Назарбаевтың ІІМ-гі іске асырылуы тиіс шаралары туралы тапсырмасын атап өтіп, өткен және ағымдағы жылда қабылданған жаңа заң нормаларына толығырақ тоқталды.

– Полиция қызметіндегі негізгі бағыты – азаматтарды қылмыстық әрекеттерден сенімді түрде қорғау және құқықтық тәртіпті жоғары деңгейге көтеру,- деп атап көрсетті Берік Бисенқұлов.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз