ҚР Футбол федерациясындағы отставкалар туралы түсініктеме берді
Бүгін бірқатар отандық БАҚ Қазақстан футбол федерациясының бас хатшысы Азамат Айтқожиннің отставкаға кету туралы өтініш бергенін жарыса жазған болатын. Алайда ҚФФ баспасөз қызметінің жетекшісі Константин Харламов бұл ақпаратты жоққа шығарды. Бұл туралы BNews.kz хабарлайды.
«Бұл ақпараттың қайдан тарағанын білмеймін, бірақ ол жалған. Бүгін лига кеңесі өткені рас, алайда федерацияның бас хатшысы Азамат Айтқожиннің отставкаға кететіні туралы сөз қозғалған жоқ», – деп мәлім етті Константин Харламов аталған ақпарат көзіне берген сұхбатында.
«Қазақстан Кәсіпқой футбол лигасының (ҚКФЛ) президенті Олжас Абраевтың отставкасы қабылданды. Оның орнына Бағлан Ергешев сайланды», – дейді Константин Харламов.
Бағлан Ергешев 2015 жылдан бастап ҚКФЛ төрағасының орынбасары қызметін атқарған және «Оқжетпес» пен «Ордабасы» футбол клубтарының спорт директоры болған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе