Ұзақ уақыт бойы өз күйеуінен қорлық көрген екі баланың анасы өз жанайқайын жеткізді. Ол өзінің басынан өткен ауыр жағдайды заң жүзінде шешпек болып, әділетсіздікке тап болған.
Ақыры ол орын алған жайтты көпшіліктен жасырмай бөлісуге бел буған.
https://kaz.365info.kz/bayan-esentaevany-zha-dajy-aza-jelderini-or-ansyz-ekenin-d-leldedi-219057
Дина Тансари атты құқық қорғаушы өзінің Facebook парақшасына
тоғыз жыл азап көрген әйел адамның оқиғасын жариялады. Оған қоса, ол екі баланың анасына қатысты сот тарапынан орын алған әділетсіздікті жайып салды.
“Мен Чидеринова Динара, өзімнің басымнан өткен жағдайға байланысты Денсаулық сақтау министрі Біртанов Елжанға, бас прокурордың аға көмекшісі Тұрсынбекова Салтанатқа ел алдында жүгінуге мәжбүр болып тұрмын. Салтанат ханым, сіз әйел адам болған соң отбасылық өмірдегі қорлыққа көмектесетіңізге сеніп, сізден әділеттікті сұраймын.
Менің күйеуім денсаулығыма үлкен зиян келтірді. Мен бірнеше ай бойы өз өмірім үшін күресуге мәжбүр болдым. Ал әділеттік іздеп, мені қорлаған жолдасымды заң жүзінде жазаламақ болғанда сот органдарының әділетсіздігіне тап болдым.
Олар менің құқығымды қорғай алмады. Тіпті, өздері шығарған шешіммен мені ұятқа қалдырды. Бұл істі өз бақылауларыңызға алып, әділеттіктің орнауын септік тигізулеріңізді сұраймын. Қазақстан әйелдері өзін соққыға жыққан күйеулерінен қорғана алу керек” делінеді зардап шегуші әйелдің жазбасында.
https://kaz.365info.kz/kimge-zhymyndadyn-mamandar-ajeline-khol-koteretin-erkektin-alsiz-zherin-ajtty-290550
Сөйтсе қорлық көрген әйел адамның күйеуі әскер офицері болып шықты. Ол өз әйелінің мұрнын сындырып, бетін түк қалдырмай бұзған. Қатты соққыдан Динараның мойнына да ауыр жарақат келген.
Құқық қорғаушының айтуынша, әйелін сабаған ер адам тиісті жаза алмаған. Сот оған ешқандай айыппұлсыз шартты түрде бір жылға үкім кесті.
“Ол Динараның денсаулығына зақым келтіргені үшін 400 мың төлеуге тиіс болған. Алайда, ол тіпті асығар да емес. Оған салсаңыз, ер адам сот өкілінің алдында айылын жимай,
әйеліне „Жұдырықтарым қатты деп ескерткем саған„ деп айтыпты.
Ол Динарадан үй түгіл, барлық мүліктерді тартып алыпты. Енесі болса, келіншектің бар киімі, әшекей-бұйымдарына дейін сыпырып алып қалған. Динара ол үйден екі баласымен түксіз кетті” , – деп жазды ол.
https://kaz.365info.kz/men-adastym-bastygymen-konildes-bolgan-ajeldin-syry-287158
Мамандар әйел адам денсаулығына орташа зақым келтірілді деп санаған. Бұл шешімдердің барлығына зардап шеккен әйел мен оның қорғаушысы түбегейлі қарсы. Олар бәрібір әділеттікке қол жеткіземіз деп үміттеніп отыр.
“ҚР ІІМ, әскери сот және прокуратура – қорғансыз жанға істегендеріңіз үшін рахмет. Сіздер қорлық көрген әйелді қорғаудың орнына не себепті әскер офицерін көлегейлеп әлексіздер?” , – деп ашынды құқық қорғаушы.