Петропавлда 90 жастағы әже құрмаға қақалып өліп қала жаздады

Петропавлда жедел жәрдем қызметкерлері құрманың сүйегіне қақалып қалған зейнеткерді құтқарып қалды. 

«103 пультіне 90 жастағы әйелдің қақалып дем ала алмай қалғаны туралы шақырту келіп түсті. Дәрігерлер келгенге дейін қарт әйелдің беті көгере бастады, кейін жедел жәрдем орталығының мамандары оның прекома күйінде болғанын түсіндірді», – деп мәлімдеді облыстық жедел медициналық көмек орталығы.

Алибек Түлеу, Екатерина Яшонкова және жүргізуші-парамедик Қайрат Сайбанов шақыруға екі минут ішінде жетті. Науқас прекома күйде болып, дем алуға тырысқан. Оның тыныс жолдары бітелгендіктен өзі дем ала алмаған. Бригада дереу халықаралық ACLS стандарттары бойынша көмек көрсетуге кірісті.