Қостанайда 10 және 13 жастағы екі жасөспірім ауыр жарақатпен облыстық балалар ауруханасына түсті.
Жасөспірімдер петардаға ұқсас зат тауып алып, оның пілтесін жаққан. Алайда оңбай күйген екі баланың бірі қазір жансақтау бөлімінде жатыр. Ал бірінің саусағын кескен. Балаларды жарақаттаған заттың не екенін қазір жергілікті полиция зерттеп жатыр. Бұл туралы «Қостанай қаласы қайырымдылар клубы» аккаунтында хабарланды.