Павлодар облысында әйелін ұрған ер адам зейнеткерлікке шығуының арқасында қамаудан құтылды.
Бұл туралы pavlodarnews.kz хабарлады.
– Сот отырысында Л. аталмыш қылмысты жасағанын мойындап, жұбайымен татуласуға ниет білдірген, – деді облыстық соттың баспасөз қызметінде.
Алайда зардап шегуші татуласудан бас тартқан. Бұл баптың санкциясына сәйкес 10 күнге дейін әкімшілік тұтқынға алу қарастырылған. Дегенмен, мұндай шара 63 жастан асқан ер адамдарға қолданбайды. Ал, отбасында жанжал шығарған адам биыл маусым айында 63 жасқа толған. Сондықтан ол 5 АЕК көлемінде, яғни 10 605 теңге айыппұл төлейді.