Париждегі терактіні ДАИШ ұйымы өз мойнына алды.
Кеше Елисей алаңында атыс болды. Салдарынан бір полицей қаза тауып, оның тағы екі әріптесі мен бір әйел жараланған. Шабуылшы тәртіп сақшылары мінген көлік жанында атыс ашқан деп хабарлады Би-би-си.
Жергілікті ақпарат құралдарының хабарлауынша, оған қарсы оқ атылып, қылмыскердің көзі жойылды. Париж прокуратурасының өкілдері қаскөйдің жеке тұлғасы белгілі болғанын айтады. Алайда сыбайластарының бар-жоғы анықталмайынша, есімі жария етілмейді.