Өскеменде мобильді экозертхана сынақ режимінде өз жұмысын бастады. Құны 65,5 млн теңге болатын заманауи зертхана жаңа жоғары дәлдікті жабдықпен қамтамасыз етілген. Оның құрамында 11 параметр бойынша негізгі ластаушы заттарды анықтауға мүмкіндік беретін газ анализаторы бар. Электрохимиялық әдістердің көмегімен өлшеулер жылдам әрі дәл жүргізіледі. Сонымен қатар экозертхана төрт метрлік метеостанциямен жабдықталған.
Жылжымалы экозертхана қалалық мониторинг жүйесінің маңызды элементіне айналып, Өскемендегі ауа сапасын бақылауды бұрынғыдан да тиімді әрі ашық етеді.