Шығыс Қазақстан облысында ауыл әкімін және оған басу айтпақ болған полицейді балағаттаған аула сыпырушыcы сотталды.
Бұл туралы Tengrinews.kz хабарлады.
Іс материалы бойынша, оқиға Шығыс Қазақстан облысы Самар ауылдық округінде болған. Жергілікті әкімдіктің аула сыпырушысы жұмысқа мас күйінде келген. Мұны көрген әкім оған ескерту жасап, жұмыс уақытында ішкенін қоймаса, орнынан босататынын айтқан. Қызып алған аула сыпырушысы мұндайда қарап тұра ма? Әкімнің жеті атасын түгендеп жіберіпті. Әкім бірден полиция шақырған. Полицейлер мас аула сыпырушыны куәландыруға алып кеткен. Сараптама кезінде ол полицейлердің бірін боқтаған. Полицейлер заң өкілін балағаттау бойынша іс қозғаған.