Орыс сарбазын өлтірген тәжік азаматы 20 жылға сотталды
Тәжікстанның Хатлон облысының соты Қорғантөбе тұрғыны Ахлиддин Машрабовты 201-ші ресейлік әскери базаның әскери қызметкері Алексей Буенковты өлтіргені үшін 20 жылға бас бостандығынан айырды.
Күдікті қылмысын толық мойындады. Оның айтуынша, ресейлік үш жауынгер оны ұрып кеткен, солардың ішінде Алексей Буенков та болған. Машрабов кек алу мақсатында Буенковты өлтірген. Мемлекеттік айыптаушы соттан 22 жыл түрме жазасын сұрады.
Сот мәліметі бойынша, процесске марқұмның жақындары мен туыстарынан ешкім қатыспады, жәбірленуші тараптан 201-ші әскери бөлімнің қызметкері ғана келді. Ахлиддин Машрабовтың анасы соттан баласына кешірім беріп, рақымшылық жасауын сұрады, бірақ сот күдіктіні ұзақ жылға соттады.
40 жастағы ресейлік жауынгер Алексей Буенков биыл 31 шілдеге қараған түні Қорғантөбедегі мейрамханалардың бірінде өлтірілді. Сол күні Буенков пен Машрабов жанжалдасып қалып, арты төбелеске және кісі өліміне ұласты. Құқыққорғау органдары күдіктіні оқиғаның ізін суытпай ұстады.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз