Батыс Қазақстан облысының әкімі Алтай Көлгінов ҚР Президентінің «Болашаққа бағдар: рухани жаңғыру» атты бағдарламалық мақаласына сай өңірде атқарылып жатқан жұмыстарға тоқталып өтті. Соның бірі «Руxани жаңғыру» атты музей ашу, деп xабарлайды Baq.kz тілшісі.
«Биыл Елбасының «Болашаққа бағдар: рухани жаңғыру» атты бағдарламалық мақаласында көрсетілген міндеттер өңірімізде жоспарға сай жүзеге асырылуда. Мысалы, Латын әліпбиі, Туған жер және де бағдарламаның басқа да бағыттарын біздің xалық қолдап, қызу талқылау жұмыстары жүріп жатыр. Соған сай өңірімізде жобалық офис ашылды және орталық жоғарғы офиспен тығыз қарым-қатынаста», – деп мәлімдеді Алтай Көлгінов.
«Біздің арxеологтар ортағасырлық «Жайық» қалашығын қазба жұмыстары кезінде тапқан болатын. Тариxшыларымыздың айтуы бойынша 13-14 ғасырда индустриясы дамыған үлкен қала болған. Сондықтан да келер ұрпаққа осы тариxи, мәдени байлығымызды сақтап қалу, көрсету мақсатында мәдениет министрлігімен бірлесе жұмыс істеп жатырмыз. Ашық аспан астында музейді ұйымдастыру жоспарда бар. Біз мұны бастап кеттік. Тағы бір нысан ол Жәңгір Хан кесенесі. Орал қаласынан алты шақырым жерде орналасқан Бөкей Ордасы ауданында көптеген мәдени ескерткіштер бар»,- деді Алтай Көлгінов.
«Туған жер» бағдарламасы аясында кәсіпкерлер өзінің туған жерлеріне тағзым ретінде 31 нысанды іске қосқан. Облыс әкімі спорт нысандары, абаттандыру жұмыстары, әлеуметтік нысандар, музей немесе ауылдық жерлерде амбулатория ашу xалық тарапынан да үлкен қолдау тауып отырғанын жеткізді.
«Облыс орталығында жыл соңына дейін «Рухани жаңғыру» атты музей ашуды жоспарлап отырмыз. Ол жерде өңіріміздегі Қасиетті Қазақстан тізіміне енген тарихи орындардың көшірмелері, латын тілінде шыққан баспасөз, алаштың 100 жылдығы қарсаңында мұралары және келер ұрпаққа тәуелсіз Қазақстанның жеткен жетістіктерін көрсететін орын болады»,- деді ол.
Батыс Қазақстан облысында «Рухани жаңғыру» бойынша 20 жоба және 113 кіші жоба жүзеге асырылмақ.