“Өлтіріп тастаймыз!”. Шетелдік студенттерді тізерлетіп, кешірім сұратты (видео)

Қырғызстанның Нарын қаласында жергілікті тұрғындар Орталық Азия Университетінің студенттерін тізерлетіп қойып, кешірім сұратты.

Бұл туралы НТС ТРК телеарнасының YouTube-арнасында жарияланған сюжетте айтылады.

Негізінен, бұл университетті Қырғызстан, Қазақстан, Тәжікстан ханзада Кәрім Аға-хан бірігіп ашқан екен.

Даулы оқиғаға 27-мамырда өткен баскетбол жарысынан кейін студенттердің жергілікті тұрғындарды ұрып-соғуы себеп көрінеді. 8-маусымда Нарын қаласының жастары университет ғимаратына жиналып, ЖОО студенттерін жазалауды талап еткен. Сондай-ақ, олар студенттерді елден көшіріп жіберуді талап еткен.

Акция кезінде біреу студенттерге қарай үстел лақтырған. Біраз уақыттан кейін студенттер мен ЖОО оқытушылары тізерлеп отырып, кешірім сұраған.

Осыдан кейін наразы жастар кетіп қалған.