“Өлтірді-ау ананы…”. Этнофестивальде бүркіт 10 жасар қызға қонып, іліп әкете жаздады
Ыстықкөлдегі этнофестивальда бүркіт он жасар қызға шабуылдады, деп жазады Sputnik Қырғызстан.
Бастапқы деректер бойынша, оқиға “Тескей жээк” этнофестивалінде, “Салбуурун”ұлттық аңшылықты көрсету кезінде болған. Аңшы құсты қоя бергенде, кішкентай қыз алаңға жүгіріп шыққан.
Абырой болғанда, қыз бала ауыр зардап шекпепті – жыртқыш құстың тырнағы басы мен арқасының терісін сыдырып кеткен. Қазір қыз бала үйінде, жағдайы жақсы.
Бүркіттің иесі айтқандай, бұрын соңды қанатты “шәкірттері” мұндай жайтқа тап болмаған көрінеді.
Қыз балаға тап берген бүркіттің аты Чагылан, 15 жаста.
Бүркітшінің сөзіне сүйенсек, аңшы құс қызға шабуыл жасағысы келмеген, әйтпесе, тырнағын батырып жібермес еді.
Жарыс ұйымдастырушыларының айтуынша, фестивальді өткізген 15 жыл ішінде мұндай оқиға бірінші рет болып отыр.
https://www.youtube.com/watch?v=5lt1upfA3rI
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе