Ұлт сойылын соғатын Facebook-тегі белсенді қазақтардың бірі, Әсет Әссанди есімді қолданушы күйініп отыр.
Қапаланбай қайтсін, анау-мынау емес, «Президенттің жанындағы» профессордың мынадай сорақылығына куә болыпты:
“Мен екінші мемлекеттік тілде сөйлемін!” деп, қазақтың қаймағы бұзылмаған оңтүстіктің тұрғындарына Ресей Федерациясының мемлекеттік тілінде сайрай жөнелді.
Сонда еліміздегі мемлекеттік тілдің біреу екенін және ол тілде сөйлегісі келмейтін профессорлар бізге не үйретпек?
Оңтүстіктегі 8300 мемлекеттік қызметкердің барлығы дерлік мемлекеттік тілді меңгергенін білеміз, бірақ барлығы жаппай көрші елдің мемлекеттік тілін біледі деп айта алмаймыз.
Сонда мына Лейла-ханымның бұл қай мазағы?
ҚР Президенті жанындағы мемлекеттік басқару Академиясының ректоры Фатима Надырқызы Жақыпова Оңтүстікке “екінші мемлекеттік тілді” емес, өз мемлекеттік тілімізді меңгерген адам жібере алмағаны ма?
Ал ҚР мемлекеттік қызмет істері және сыбайлас жемқорлыққа қарсы іс-қимыл Агенттігінің Оңтүстік Қазақстан облысы бойынша департаментінің басшысы, Әдеп жөніндегі кеңесінің төрағасы Әли Амантайұлы Көмекбаев іс-шараға дайындық барысында осындай мәселелерге мән бермегені қалай?
Осыдан соң біз қалай оңамыз?”
(Ә.Ә.)