Нұр-Сұлтан мен Алматы тұрғындары тағы бір апта жұмыс істемейді

3 сәуiр 2020, 14:54

466

“Мемлекеттік комиссия коронавирус инфекциясының таралуына жол бермеу үшін Нұр-Сұлтан мен Алматы қалаларында бұл режимді 13 сәуірге дейін ұзартты. Бұл тұрғындар денсаулығы және мегаполистер тіршілігі үшін маңызды мекемелерден басқа барлық кәсіпорындар мен ұйымдарға қатысты”, – деп жазылған хабарламада.

Сондай-ақ, мемлекеттік комиссия Шымкент әкімінің қалада 4 сәуір сағат 21.00-ден бастап карантин енгізу туралы ұсынысын қолдады.

Денсаулық сақтау министрлігінің ұсынысымен Нұр-Сұлтан, Алматы және Шымкент қалаларында инфекциялық аурухана салу туралы шешім қабылданды.

Еске сала кетсек, елде коронавирусқа байланысты төтенше жағдай режимі енгізілген болатын.

Қазіргі уақытта дейін індетке шалдыққан 448 адам тіркелді.