Нұр-Сұлтан
Қазір
0
Ертең
5
USD
426
-0.24
EUR
496
+0.41
RUB
5.99
-0.01

“Нем бар еді?..”. Балғынбек Имашев Наурызға қатысам деп ауырып қалыпты

Жуырда ғана ақын Қаскелеңдегі Наурыз тойына қатысып, «Дәл басу» ойынын жұртқа дәріптепті. Яғни, жұрт алдына шығып, 120 келі тартатын қошқарды көтерген.

 

 

https://kaz.365info.kz/kyshtisin-ej-ajnyr-tyrsynbaeva-balgynbektin-videosyn-zhariyalady-307697

Бірақ, шамасы келмеді ме, әлде дұрыс көтермеді ме, әйтеуір белі мен аяқ-қолын ауыртып алған сияқты. Бұл туралы Балғынбектің өзі Instagram-парақшасына жазған.

«Мынау “Дәл басу” деген ұлттық ойын. Мойныңа салмағы 100 келіден асатын қошқарды салып алып, ұзын бөрененің үстінен жүріп өту керек. Қошқардың салмағымен тепе-теңдікті сақтай отырып, енді жүре бастасаң, ол ышқынып қозғалады, секірмек болады, яғни, тепе-теңдікті сақтап мәреге жету – жігіттің жігітіне ғана бұйырады (маған бұйырмады).

Көкпар, теңге ілу, аударыспақ, жамбы ату сияқты – бұл ойында жауынгерлікке, мықтылыққа, ептілікке, батырлыққа тәрбиелейді. Алматы іргесіндегі Қаскелең шаһарында қазақтың ақылды ару қызы мұрындық болып өткізген Наурыз тойына барып, шағын ақындар айтысын жасап бердік.

Кезек ұлттық ойындарға келгенде көрермен болып тұра бермейін деп белбуып белсене араласып кеттім. Өзім серпіліп, жұртым желпініп қалды. Бес ұлдың әкесі болғандықтан ұлдарымның нағыз ер мінезді, балуан білекті, батыр жүректі болуын қалаймын, енді оларға өзім үлгі болмасам кімге қарап бой түзейді?

110 келі ақ қошқарды арқалап бөренемен жүргеннен бе, 120 келі қара қошқарды мойынға сап көтеруден жарысқаннан ба, бүгін ұйқыдан тұрғаннан аяқ-қолым ауырып, әрең қозғалып жүрмін», – деп жазды ақын өзінің Instagram-парақшасында.

“Тәуір болсам фитнеске бармасам ба”, – деп қосып қойды айтыскер ақын.

 

 

https://kaz.365info.kz/meniki-dep-khojmajdy-zhazira-bajyrbekova-agasynyn-ozine-nege-renzhuli-ekenin-ajtty-307874

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз