Назарбаев Қауіпсіздік кеңесінде кадрлық тағайындаулар жасады
Қазақстанның Тұңғыш Президенті — Қауіпсіздік Кеңесі төрағасының шешімімен Қауіпсіздік кеңесінің хатшылығының меңгерушісі тағайындалды.
Аға әділет кеңесшісі Ерлан Байтукбаев жаңа лауазымға тағайындалды. Бұған дейін ол Қауіпсіздік Кеңесінің құқық қорғау бөлімі меңгерушісінің орынбасары болған еді.
«Елшібеков Шоқан Жанатұлы басқа қызметке ауысуына орай, Қазақстан Республикасы Қауіпсіздік Кеңесі хатшылығының меңгерушісі лауазымынан босатылды», —
делінген Елбасы баспасөз қызметінің хабарламасында.
Алматы облысының тумасы Ерлан Байтукбаев 1969 жылы дүниеге келген, бұған дейін прокуратурада, Индустрия және жаңа технологиялар министрлігінде, сондай-ақ Инвестиция және даму министрлігінде басқарушы лауазымдарда қызмет атқарған. Қауіпсіздік кеңесінде 2019 жылдан бері қарай жұмыс істейді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз