“Нәр татпаймыз!”. Мұнайшылар аштық жариялады (фото)
Маңғыстау облысында Techno Trading LTD компаниясының ондаған жұмысшысы аштық жариялады.
Компанияда оператор болып істейтін Берік Ергенбаевтың айтуынша, Мұнайлы ауданының Қызылтөбе ауылында өтіп жатқан наразылық акциясында 133 жұмысшы аштық ұстап отыр.
Жұмысшылар компания басшылығынан жалақыны көбейтуді, тоқсан сайын берілетін сыйақыны тұрақты төлеуді, белсенділік танытқан жұмысшыларды қудалауды тоқтатуды талап етеді.
Жұмысшылар бейсенбі күні таңертең аштық жариялауға әуелі компания кеңсесі орналасқан Бірлік кентіне барған, бірақ кеңсені полиция қоршап алып, ешкімді өткізбеген. Бұдан соң олар Қызылтөбе кентіндегі кәсіподақ орналасқан “Мерей” қонақүйіне барып, аштықты кәсіподақ кабинетінде жариялаған. Жұмысшылар судан басқа ешнәрсе ішпеуге бекінген.
Techno Trading компаниясындағы жұмысшылар наразылығы былтырдан бері жалғасып келеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе