Қазақстанда нарықтың қатаң олигополиялық құрылымы қалыптасты. Мұндайда таңдаулы ірі компаниялар барлық нарықты жаулап, өзгелерді жолатпай, кедергілер тудырады, сөйтіп бәсекелестікте әділетсіздік танытады.
«2015-2016 жылдары біз 71 тауарлық нарыққа талдау жүргіздік. Ол не көрсетті? Тауарлық нарықтардың 4,3 пайызы орнықты шоғырланған және 95,7 пайызы жоғары түрде шоғырланып отыр. Отын энергетикалық кешеннің нарықтарында 48,5 пайыз, өнеркәсіптік бағытта 17,6 пайыз, агроөнеркәсіптік кешенде – 16,2 пайыз, қаржы – 8,8 пайызды, сондай-ақ басқа нарықтарда 8,8 пайызды құрап отыр. Бұл нені білдіреді?
Атап айтқанда, бүгінде бізде нарықтың қатаң олигополиялық құрылымы бар және осы нарықтарға кіру үшін елеулі кедергілер байқалды. Сондықтан да осы нарықтарға жасалған талдау нәтижесі бойынша экономикалық үдерістерді реттеудің тиісті шараларын қабылдау қажеттігі туралы 16 ұсыныс енгіздік»,-деді Серік Жұманғарин.