Үміт артқан америкалық ғалымдар ақтаулық 6 жасар қызға көмектесе алмайтындарын айтты
Шетелдіктер „миы өлі „ деп диагноз қойылған ақтаулық 6 жасар қызға көмектесе алмайтындарын айтып жатыр.
Бас миын қайта тірілтумен айналысатын АҚШ пен Үндістанның ғалымдары қыздың кішкентай екенін алға тарта отырып, оған көмектесе алмайтындарын айтты деп хабарлады Іnformburo.kz.
„Үндістер бұл зерттеумен енді ғана шұғылдана бастаған. Онда да 18 жастан жоғарыларды тәжірибеге алады. Ал америкалықтар 15 жастан жоғарыларды алады екен. Үндістер кішкентай қызға көмектесуден бас тартатындарын ресми түрде мәлімдеді. Ал АҚШ-тан тек 15 жастан үлкендерді аламыз деген нақты жауап алдық„ деді ҚР Денсаулық сақтау және әлеуметтік даму министрі Тамара Дүйсенова.
„Бұл нақты мәлімет емес, ол туралы айтқым келмей тұр, бірақ келіссөздер жүріп жатыр„ – деді ол.
2016 жылдың тамыз айының соңында Ақтауда 6 жасар қызды педофил ұрлап әкетіп, қала сыртында зорлап-қорлаған, ауыр халде ауруханаға жеткізілген бүлдіршіннің кейіннен комаға түскені белгілі болды. Ал 2-қарашада оған „миы өлі„ деген диагноз қойылды. Астанада болған ресейлік профессор Сергей Царенко да қызды қарап, жағдайдың оңалуы екіталай екенін айтты. Оның пікірінше, әрдайым ми өлімі адам өліміне теңестіріледі.
Алайда кішкентай қыздың отбасы үмітін үзбек емес. Олар „ми өлімін„ зерттейтін америкалық ғалымдарға баласын өткізгісі келеді. Осы өтінішпен педофилдің құрбаны болған 6 жасар қыздың апасы Қазақстан Президенті Нұрсұлтан Назарбаевқа хат жазған-тұғын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе