Баян Есентаева өзінің аты-жөнінің ҰБТ-да жүруіне байланысты өз көзқарасын білдірді.
Ол бұл туралы пікірін Инстаграмдағы жеке парақшасында жазды.
«Мен өмірімде алғаш рет қалай пікір айтарымды білмей отырмын.
Министр бірдеме біледі ғой, сондықтан онымен келіспеске амал жоқ.
Жаңалықтардың 20 пайызы менің есіміммен қатысты екен, олай болса оқушылардың емтихан тапсыру кезінде іштері пыспайтын болар», – делінген жазбада.
Еске сала кетейік, бұған дейін республикалық басылымда ҰБТ-ның алдын ала тапсырмалары жарияланды. Жұртшылық сұрақтардың ішінен қазақстандық жұлдыздарға қатысты тесті байқап қалып, наразылық тудырған болатын. Олардың пікірінше, оқушылардың мектеп бағдарламасын білуі шарт, ал жұлдыздардың өмірі туралы білу талап етілмеуі керек.