Министрлік сынға ұшыраған имамдарға қатысты пікірін білдірді

“Әлеуметтік желілер мен БАҚ-та имамдарымыздың кәсіби дайындығы қазіргі заманғы талаптарға сай келмейді деп бірнеше рет сынға ұшырағаны жасырын емес. Осыған байланысты Қазақстанның мұсылмандары діни басқармасы “500 мәртебелі имам” бағдарламасын жариялады. Бұл әрбір имамның теологиялық та, осы заманға сай зайырлы білімінің болуына бағытталған”, – дейді Бақытжан Күлекеев.

Оның айтуынша, бұл имамдардың өздері үшін қажет, олардың қазіргі жағдайда адамдармен тіл табысып, дәстүрлі исламды дәріптей алуы үшін, сондай-ақ имамдар корпусы заманға сай дами алу үшін.

Сонымен қатар, ол қазіргі кезде имамдардың қазақша жүргізіп жатқан уағыздары орыс тілінде де түсіндірілетінін айтты. „Жұма күні намазға барып, қазақша уағызды түсінбегендер, артынан қалып оны орысша тыңдауға мүмкіндіктері бар„ – деді ресми өкіл.