Министрлік Алматының әлемдегі криминальды қалалар тізіміне неге еніп кеткенін түсіндірді
Әлем қалаларындағы қылмыс деңгейін анықтаумен айналысатын Numbeo сервисінің “Криминалды рейтингінде” Алматы 216-орынға тұрақтады.
Осы ретте ҚР Ішкі істер министрлігінің өкілдері неліктен Алматының бұл тізімге ілінгенін айтып берді, – деп хабарлайды Тengrinews.kz.
Numbeo cервисі 2018 жылғы рейтингті жариялады. Онда қазақстандық қалалардың ішінен тек Алматы бар. Мұнда қылмыс индексі – 50, 06 пайыз, ал қауіпсіздік индексі 49,94 болып тіркелген.
ҚР ІІМ өкілдерінің айтуынша, Numbeo ресми емес мәліметтер базасы болып саналады.
Осы жылдың 8 айында Алматыдағы қылмыс 8,7 процентке азайған, олардың ішінде аса ауыр қылмыстар (-13,4 процентке) және аса ауыр емес қылмыс (-13,6 процентке)”, – делінген ІІМ өкілдерінің Tengrinews.kz жолдаған ресми сауалға берген жауабында.
Сондай-ақ, ведомство өкілдері қазіргі уақытта Алматыда еліміздегі барлық қылмыстық құқық бұзушылықтың 20 проценті тіркелгенін айтып өтті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе