Зарина Омарова 10 жыл бойы өнерден жырақта болып, бар уақытын отбасына арнаған. Осы уақыт аралығында бір ұл, бір қызды дүниеге әкелген әнші сахнадан бас тартты.
Тәулігіне 24 сағат, жылына 365 күн балаларының жанынан табылды. Десе де, олардың тәрбиесіне келгенде бойында өкініші де жоқ емес.
Бұл туралы Stan.kz “Ел аузында” бағдарламасына сілтеме жасап хабарлайды.
«Әнді сенен жақсы айтам…». Зарина Омарова Димашты жекпе-жекке шақырды (видео)
Қызы өнерге жақын болғанымен, Омарова оның әнші болғанын аса қаламайды. Себебі:
“14-15 жасымнан бастап үлкен Роза Рымбаева апаларымызбен, Ақжол Мейірбеков ағаларымызбен гастрөлдетіп жүретінмін. Қыз балаға екі есе ауыр, өйткені ол отбасын құрып, ана болуы керек”, – дейді ол.
Ал Заринаның ең үлкен өкініші – балаларының орыстілді болуы. Әншінің айтуынша, үйдегі отағасы орысшаға жақын адам. Ал бүгінде үйде ана тілінде сөйлейтін Заринаның өзі ғана екен. Сұхбат кезінде аналарының жанында болған бүлдіршіндер журналистің сауалына тек орыс тілінде жауап берді.
«Дәлелдегім келді». Төреғали Төреәлі туған күнінде өзінің жаңа фильмінің тұсауын кесті (видео)
“Балаларым кішкене орысқұл, одан ұяламын. Ол менің ең үлкен кемшілігім деп ойлаймын. Жолдасым орысқұл болғаннан кейін, үйде қазақша сөйлейтін жалғыз адам мен. Менің қазақшамды үш адам түсінбейді”, – дейді Зарина.
Жаңа түскен келіннің видеосы желіде қызу талқылануда (видео)
Сондай-ақ, Омарова өзінен кейін ерген сіңлісі мен інісі жайлы да баяндады.
“Менің жанұямда мен ең үлкені, менен кейін Мәдина есімді сіңлім, Азамат есімді інім бар. Ініме әкеміздің композиторлық қабілеті дарыған. Керемет даусы бар деп айта алмаймын, ал сіңлім мүлдем ондайға жоқ. Әншілік, сахнадан алыс”, – дейді Зарина.