“Мені 120 мыңға “сындырды”. Оралда 30-дан аса адамды сан соқтырған алаяқ ұсталды

Сан соғып қалғандардың дені Ақсай қаласындағы «Шлюмберже» аталатын кәсіпорынға кірмек болып, әрқайсысы 120 мың теңгеден 600 мың теңгеге дейін ақша ұстатқан. Тергеу барысында оның бұрын да алаяқтық әрекеті үшін істі болып, 3 жылдай мерзімін темір тордың ар жағында өткізгені анықталды. Пысықай ол кезде „Тұрғын үй құрылыс жинақ банкі„ арқылы үй алып беремін деп 9 адамды тақырға отырғызған екен. Полиция алаяқтан зардап шеккен өзге де тұрғындар болса шұғыл түрде хабарласуды сұрайды.

Руслан Есетов, қалалық ішкі істер басқармасы тергеу бөлімінің тергеушісі:

– Қазіргі уақытта күдікті Талблимов Арман 2 ай мерзімге ұсталып, «күзетпен ұстау» шарасы қолданылған болатын. Күдікті Арман Талблимовты таныған болсаңыздар 102 нөміріне хабарласуға немесе Орал қаласы Айталиев көшесі мекен-жайындағы Орал қалалық ішкі істер басқармасына арыз беруіңізге болады.

Ахмет Сақыбаев, зардап шегуші:

– Мен ол кісіге 120 мың теңге бердім. Себебі ол мені шетелдік компанияға жүргізуші ретінде кіргізуге уәде берген еді. Бірақ кейін оны таппай қалдым.