Мемлекетке сатқындық жасады деп айыпталған полковник бостандыққа шықты
Өзбекстан қорғаныс министрлігінің бұрынғы шенеунігі, 2010 жылы мемлекетке сатқындық жасады деген айыппен 15 жылға сотталған 63 жастағы Александр Мокеев бостандыққа шықты. Бұл жөнінде Uzmetronom интернет басылымы хабарлайды.
Uzmetronom интернет басылымының жазуынша, Өзбекстанның Жоғарғы соты Александр Мокеевті түрмеден босату туралы шешім шығарған, бірақ айыбы алынбаған. Ол 2010 жылдың ақпан айында ұсталған. Тамыз айында полковник Александр Мокеевке және қорғаныс министрлігінің тағы екі генералына мемлекетке сатқындық жасады деген айып тағылған.
Uzmetronom келтірген деректерге қарағанда, тергеу кезінде Мокеевке америкалық барлау қызметімен жұмыс істегені, 2002 жылы сәуір айында Америкадағы West Point әскери академиясына ресми делегациямен барған кезде, барлау қызметінің ықпалына түскендігі айтылады. Полковник сонымен бірге америкалық барлау агентіне Өзбекстанның әскери құпияларын беріп отырған делінген.
Түрмеде Александр Мокеев Өзбекстанның бұрынғы және қазіргі президенттерге бірнеше рет хат жазып, кінәсіз екенін айтып, өзін босатуын сұраған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз