Мамай қамауда қалатын болды
Алматыдағы сот журналист Жанболат Мамайды қамауда ұстау туралы шешімді күшінде қалдырды. Ол қылмыстық сипаттағы айыптауларға байланысты екі ай қамауда отырады. Мамайдың әріптесі Инга Иманбайдың хабарлауынша, адвокаттар журналисті қамауда ұстау туралы сот шешіміне апелляциялық шағым түсірген.
Арызды қарау жабық жағдайда өтті. Сот шешімін Мамайдың адвокаты Жанар Балғабаева хабарлады. Сотқа “Саяси қалам. Трибуна” газетінің бас редакторы қызметін атқарушы Жанболат Мамайды әкелмеген. Сот отырысы қарсаңында белсенділер журналиске қолдау көрсетіп, акция өткізді.
Мамайды 10 ақпанда ұстады, келесі күні Медеу аудандық сот оны екі айға қамау туралы шешім шығарды. Тергеушілердің хабарлауынша, оған “БТА Банктен ұрланған қаражатты “Саяси қалам. Трибуна” газеті арқылы заңдастырып келген” деген айып келтірілді. Мамай бұл айыпты жоққа шығарып, істің саяси астары барын мәлімдеді.
Адам құқықтарын қорғаушы бірнеше ұйым биліктен Мамайды босатуын сұрады. Қазақстанда азаматтық белсенділер оны қорғау қорын құрды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз