Шымкентте сүйген қызына өзін ішкі істер қызметкерімін деп таныстырған азамат кездесуге тәртіп сақшысының формасымен келіпті. Алайда, талай қылмысты аштым деп бөсіп отырған жерінен шын полицейлерге ұсталып қалған.
Бұл туралы КТК хабарлайды.
Жалған майор формасын үтіктеп, сүйіктісін дәмханаға кездесуге шақырған. Алайда, ащы судан аздап ұрттаған 41 жастағы азамат кафенің қызметкерлері мен өзге келушілерге күдік тудырыпты. Бөспе офицердің өтірігі шын қызмкеткерлер келген кезде шықты. Қызға қырындаймын деп басы бәлеге қалған азамат енді 200 мың теңгеден астам айыппұл төлеп, болмаса 45 тәулікке қамалуы мүмкін.