“Мә, саған талон…”. Шымкент мешітінде ауызашар кезінде төбелес болды

Шымкент мешіті ауызашарға талонсыз адамдарды кіргізбей, жанжал шықты. Абдул Хамид Хаттани мешітінің ұстазы Ералы Есенгелдиевтің айтуынша, олар мұндай қадамға амалсыз барған көрінеді.

Дін өкілінің сөзіне сенсек,

мешітте жайылған дастархандағы дәм барша келушілерге жетпейді екен. Ол аздай, ауызашарға ораза ұстамағандар мен арақ ішіп алғандар да жай қарын тойдыру үшін келуді әдетке айналдырыпты.

“Талон таяуда ғана пайда болды, себебі ауызашарға ішімдік ішетін және мүлдем ораза ұстамайтын адамдар да келе бастады. Бұрындары біз барлығын тамақтандыруға тырысатынбыз. Қазір адамдар көп келетін болды. Барлығына жеткізу үшін осындай қадамға барып отырмыз. Мешітте намаз оқу үшін 600-700 адам келеді, кеше мешітте ауызашар берілді. 150 адамға дастархан жайылды. Бұрыннан келетін адамдарға талон бердік”, – деп түсіндірді мешіттегі ұстаз Ералы Есенгелдиев.