Бүгін түсте Үкімет басшысы Твиттердегі жеке парақшасына жазба қалдырды. Мұнай-газ кеңесінен кейін бөліскен ойында Кәрім Мәсімов екі министрге бұйрық берді.
“Мұнай-газ кеңесін өткіздім. Жанармайды жеткізуден бастап жанармай құю стансасына сатуға дейінгі тізбек айқындығы қажет. Бишімбаев пен Бозымбаевқа тапсырдым”, – деп жазды Мәсімов Twitter желісіндегі ресми парақшасында.
Алдында еліміздің энергетика министрлігі АИ-90 жанар-жағармайының бағасын көтерулері ықтимал екендігін жарияланған. Алайда бұл ұсыныс қоғам тарапынан қатты наразылыққа ұшырады.
Халықаралық экономика сарапшысы Алғатбек Қыдырбек-ұлы министрліктің бағаны қымбаттатып, қазақстандықтарды АИ-80 емес, АИ-92 жанар-жағармайын алуға мәжбүрлейік деуі — барып тұрған бассыздық деп санаған. Оның айтуынша, шетелде АИ-80 маркасы мүлде өндірілмейді. Өйткені сапасыз нәрсені олар өндірмейді. Сондықтан олар бұл арада баға емес, негізінен, сапаға бастарын ауыртуы керек.