Қазақстандағы кей министрлерге көңілі толмайтын кейбір қоғам белсенділері олардың орнына халықтың алдында беделі жоғарырақ, «жақсы» адамдарды ұсына бастады.
Өткенде ғана ұлт пен тілге қатысты пікірлерін ашық айтатын Айбол Сапарбек есімді әлеуметтік желі қолданушысы «Білім және ғылым министрі болып академик Асқар Жұмаділдаев тағайындалсын!» деп жар салса, бүгін тағы бір белсенді Жанболат Мамай facebook-тегі парақшасында мәдениет министрі Арыстанбек Мұхамедиұлының орнына режиссер Ермек Тұрсыновты тағайындауды ұсынды.
«Ермек Тұрсынов талантты, ақылды, интеллекті жоғары, озық ойлы адам, жақсы режиссер. Тұрсынов сияқты адамдар елімізді дәріптеп, даңқымызды асқақтатып жүр. Менің ойымша, ол мәдениет министрі орынтағына ең лайық кандидат» екен.
«Ермек Тұрсыновты мәдениет министрі етіп тағайындауды ұсынамын! Қалай ойлайсыздар?»,
дейді Ж.Мамай өз жазбасында.