Ұлттық қауіпсіздік комитеті Бағлан Майлыбаевтың қамауға алынғанын растады
ҚР Президенті Әкімшілігі басшысының бұрынғы орынбасары мемлекеттік құпияларды теріп, оны заңсыз таратты деп айыпталады.
Айта кетелік, алдында Елбасы Жарлығымен ҚР Президенті Әкімшілігі басшысының бірінші орынбасары Бағлан Майлыбаев қызметінен босаған болатын. Оның орнына РФ-дағы Қазақстанның төтенше және өкілетті елшісі Марат Тәжин тағайындалды. Кейіннен Орталық Азия басылымы Бағлан Майлыбаевтың ұсталғанын хабарлаған.
“2017 жылы 12-қаңтарда ҚР Ұлттық қауіпсіздік комитеті ҚР Қылмыстық кодексінің 185-бабының 1,3- тармақтары, яғни „Мемлекеттік құпияларды теріп, оны заңсыз жария етті„ деген бап бойынша қылмыс жасады деп күдікке алыған ҚР Президенті Әкімшілігінің бұрынғы қызметкерлері Бағлан Майлыбаев пен Николай Галихинді ұстады. Астана қаласы Есіл аудандық соты оларды 2 айға қамауға санкция берді„ делінеді ҚР Ұлттық қауіпсіздік комитетінің хабарламасында.
„Тергеу жалғастырылып жатыр, оның нәтижесі туралы қосымша хабарланатын болады„ деді ҚР Ұлттық қауіпсіздік қызметінің баспасөз қызметі.
Еске сала кетелік, Бағлан Майлыбаев 2017 жылдың 12-қаңтарына дейін ҚР Президенті Әкімшілігі басшысының орынбасары қызметін атқарды. Ол бұл қызметті 2011 жылдың 11-қазанынан бері істеп келген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе