Құлсарыда «Whatsapp» арқылы балағат сөздер жолдаған келіншек сотқа тартылды
Атырау облысының Құлсары қаласында «Whatsapp» желісі арқылы қайыңсіңілісін балағаттаған жеңге әкімшілік жазаға тартылды.
Бұл туралы Атырау облысы Жылыой аудандық сотының баспасөз қызметі хабарлады.
Атырау облысының Жылыой аудандық сотында ҚР Әкімшілік құқықбұзушылық кодексінің 434-бабының 1-бөлігі бойынша құқық бұзған Құлсары қаласының тұрғыны, С-ға қатысты әкімшілік іс қаралды.
Сотта анықталғандай, құқықбұзушы С. өзінің қайын сіңлісі, азаматша Ж.-ны «Whatsapp» желісі арқылы балағаттап, ар-намысына тиетін сөздер жазып, ұзақ дөрекілік танытып, әбден жер-жебіріне жеткен.
Сот барысында азаматша С. кінәсін толық мойындап, істеген әрекеттері үшін өкінетіндігін айтты.
“Сот қаулысымен азаматша С. кінәлі деп танылып, оған әкімшілік жаза ретінде 10 айлық есептік көрсеткіш көлемінде, яғни 21 210 теңге айыппұл түрінде әкімшілік жаза тағайындалды”, делінеді алдын ала таратылған хабарламада.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз