Астана тұрғыны ломбард тонауға әрекеттенгені үшін сегіз жылға бас бостандығынан айырылды. Астананың қылмыстық істер жөніндегі соты 42 жастағы Лера Сванидзені қылмыс жасауға оқталып, кісіні кепілге алғаны үшін кінәлі деп таныды.
Тергеу нұсқасы бойынша, Сванидзе 14 тамызда Астана қаласындағы Кенесары көшесінің бойында орналасқан ломбардқа тонау үшін кіріп, соның ішінде мекеменің екі қызметкерімен бірге қамалып қалды. Екі қызметкер де кейін босатылды.
Судья Асхат Әшірбеков сотталушының мүлкін тәркілеуге үкім етті.