“Күйеуімді жібер!”. Қарағандыда полицейді сабаған келіншек сотталды

Тасыр-гүсір басталып кеткенін байқаған бір куәгер полицияға хабарласқан. Тез арада жеткен үш полицей төбелес ортасындағы Евгений Ковровты ұстамақ болады. Мұны байқаған жас келіншек оған болысу үшін дереу қастарына жетіп барады. Сөйтіп, сол арадағы полиция сержантының иығындағы шенін жұлып алып, жұдырықпен үш рет соққы жасайды. Бұнымен тоқтамай, полицейлердің намысына тиетін сөздер айтып, оларды балағаттай бастайды. Дәл осы сәтте полицейлердің назары толығымен келіншегіне ауғанын байқаған Евгений Ковров оқиға орнынан тайып тұрады. Оның қайда екені күні бүгінге дейін белгісіз, оған іздеу жарияланды.

Ал, Зинаида Ковроваға жаза ретінде сот 1 жылға бас бостандығынан айыру және 53 мың теңге көлемінде айыппұл салу туралы шешім шығарды.