Киіз үйде түнеп жүрген астаналық отбасы қыстың аязында далада қалулары мүмкін
Біреулер алғашқы қар жауды деп сүйіншілеп жатқанда Астанадағы көп балалы ананың уайымы үдей түсті. Үйін су басып, баспанасыз қалған Раушан Иманғалиева қақаған қысты киіз үйде қарсы алуы мүмкін.
Бұл туралы 31 арна хабарлайды.
Көктемде еденнің астынан шыққан судың кесірінен үйінің іргесі сөгіліп, баспанасыз қалған отбасы жайлы 3 ай бұрын көрсеткен болатынбыз. Сол кезде қала билігі уақытша пана болсын деп киіз үй берген-ді.
қайырымды жандар кездесіп, апатты үйдің орнына жаңа баспана тұрғызуды қолға алыпты.
Асарлатушылар 1 айдан соң, құрылыс бітеді деп жоспарлап отыр екен. Осыны жанына медеу қылған ана тоңып қалмасын деп, балаларын әзірге туыстарының жалдамалы баспанасына жіберуге мәжбүр.
“Үміт болса бәріне шыдаймыз ғой. Ең бастысы – үміт қой. Отбасымыз неше түрліге шыдағанбыз.
Енді осыған да шыдауға әзір боламыз енді”, – дейді көпбалалы ана Раушан Иманғалиева.
Ал қайырымдылық қорының басшысы өз кезегінде жұмыс ұсына алатынын айтты.
“Бізге ақша керек деп ойлайтын болса, бізде қазіргі уақытта материалдардың бәрі бар. Бізге қол көмек керек. Жұмысқа адамдар келемін десе, осы жерге келіп, өздерінің қолдарынан келгенше, жұмыс істеулеріне болады”, – дейді қайырымдылық қорының басшысы Көңілбай Шүкенов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе