Қызылорда облысы әкімдігі басқармасындағы бірнеше басшы ауысты

Сондай-ақ облыс әкімінің өкімімен Қызылорда облысының Жолаушылар көлігі және автомобиль жолдары басқармасының басшысы болып Әбдіхалықов Ержан Қыпшақбайұлы тағайындалды.

Ержан Әбдіхалықов 1982 жылы туған. Алматы энергетика және байланыс институтын «инженер-энергетик» және «жылу энергетика магистрі» мамандықтары бойынша бітірген. 2016 жылдың қараша айынан бастап осы кезге дейін «Байқоңыр» әлеуметтік-кәсіпкерлік корпорациясы ұлттық компаниясы» акционерлік қоғамы басқарма төрағасының бірінші орынбасары болған.

Ал облыс әкімі аппаратының ұйымдастыру-инспекторлық жұмыс және аймақтық даму бөлімінің басшысы болып Ідірісов Бақытжан Жеткерұлы тағайындалды.

Бақытжан Ідірісов 1971 жылы туған. Қызылорда педагогикалық институтын «биология және химия пәнінің мұғалімі», сондай-ақ Қорқыт-Ата атындағы Қызылорда мемлекеттік университетін «экономика және бизнес бакалавры» мамандықтары бойынша бітірген.

2012-2014 жылдары облыстық жұмылдыру дайындығы, сондай-ақ мұрағаттар және құжаттама басқармаларында басшының орынбасары қызметтерін атқарған.

2014 жылдың желтоқсан айынан бастап осы кезге дейін облыс әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы.