Серік сияқтылар: „Қарындас, қысқа кимеңіз„ – дейді қазір. Одан соң не болады? Одан соң: „Жап аузыңды„ дейді. Сөйтіп, келе-келе: „Үйден шықпай, тыныш отыр„ дейді. Бұлай болмайды ғой. „Қысқа киме„ деп қызды тыюдың орнына еркектер өз нәпсісін тыйып үйренсін.
Бұл туралы Kaliya деген лақап атпен танымал әнші Ақмаржан Көшербаева „Время„ басылымына берген сұқбатында айтты.
„Қарындас, қысқа киме„ деген Серік Ибрагимов неге „Екіқабат қызды тастама, балаң мусоркадан шықпасын„ десең деген акция жасамайды.
Қазір осы тақырып актуальды ғой. Неге еркектер жетімдер үйінің мәселесін көтермейді. Қаракөз балалар толып жүр онда. Қазақтың салт-дәстүрінде бала деген ең басты байлық, ең басты құныдылық емес пе? Әйелдің де, ананың да рөлі жоғары болған. Енді сол құндылығымызға не болды? Не бүлінді? Мұның жауабын сол Серік Ибрагимовтан, сол секілді хайп жасап жүрген еркектерден іздеу керек деп ойлаймын.
https://kaz.365info.kz/zhanbolat-she-zhazira-bajyrbekova-ozge-bireumen-konil-koterip-zhyr-video-319787
Иә, бұрын қазақ қыз балаға құрметпен қараған. Қарындас деді, қызым деді, апа деді, ана деді. Ал қазір ше?
Қарындас деп тұрған еркек мынаның құйрығын қалай шымшысам, ыңғайын қай жақтан тапсам екен деп аласұрып тұрады іштей. Не болмаса, „Қызым-қызым„ деп алдап бір бұрышқа апарып зорлап тастайды. Ал шешесіндей адам екеніңді көріп тұр ғой, бірақ бетіңнен алып, балағаттап, жағаңды ұстауға дейін барады.
Қазір қараңызшы. Кім зорланып, кімнің намысы тапталып жатыр? Зорланып жатқандар – қыз-келіншектер, балалар мен сәбилер. Ылғи қорғансыз жандар. Соның бәрі қысқа кигенге байланысты деп ойлайсыз ба? Сандалмасын. Неге зорлықшы еркек жауаптан тыс қалуы керек?
https://kaz.365info.kz/ali-bylkhyldap-tyr-ademi-khartajgan-ajelder-kimder-319760
Бізде бәрі „показуха„. Ойбай, ұят дейді. Ұятын жиып жатқан ешкім жоқ қазір. Еркегі де, әйелі де. Бірақ ел алдында өтірік ұялады. Оң жақта отырып туып алғанына ұялады. Ал жаңа туған шақалақты дәретханаға тастауға ұялмайды. Құдайдан қорықпайды. Мәселе адамның бәрі өзінен бастау керек. Әркім өзін жөндеп алсын алдымен„ деп ағынан жарылыпты өз сұқбатында Ақмаржан.
https://kaz.365info.kz/tyrmajdy-akhbota-yshinshi-kyjeuimen-de-arasynyn-bylingenin-mojyndady-video-319563