Қостанайда бас психиатр дәрігерді қатыгездікпен өлтірген үш күдікті ұсталды
Қостанайда Амбулаториялық сот-психиатрлық сараптамасының төрайымы, жоғары санатты сот-психиатрия сарапшысы Рашида Сандыбаеваны қатыгездікпен өлтірген күдіктілер тұтқындалды.
Бұл туралы Қостанай облыстық ішкі істер департаментінің баспасөз қызметіне сілтеме жасап, ҚазАқпарат хабарлады.
«Арнайы тергеу-жедел топтары өткізген жедел-іздестіру шарасы кезінде Қостанай облыстық психиятриялық диспансерінің бұрынғы бас дәрігерінің не үшін және қалай өлтірілгені толықтай анықталды. Бұған қатысты үш күдікті ұсталды. Олар кінәларын мойындауда. Қазіргі таңда қылмыстық топтың басқа да қатысушыларын тұтқындау мен тағылған айыптың дәлелдер базасын жасақтау мақстанда тергеу жұмыстары жалғасуда», – деп аталып өтіледі хабарламада.
Бұрын хабарланғандай, 20 ақпан күні өз үйінде қатыгездікпен өлтірілген танымал дәрігер, облыстық психиятриялық диспансердің бұрынғы бас басшысы Рашида Сандыбаеваның денесі табылды. Рашида Сандыбаева өмірінің 30 жылын дәрігерлік қызметке арнаған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе