Қосшыда Instagram арқылы шырша сатып алмақ болған келіншек алаяққа алданды
Қосшыда жаңажылдық шырша сатып алмақ болған жергілікті тұрғын алаяқтың тұзағына түсіп, ақшасынан қағылды. Бұл туралы Ақмола облысы полициясының хабарлады.
Олардың мәліметінше, құқық қорғау органдарына сұлулық салондарының бірінің қызметкері жүгінген. Ол әлеуметтік желі арқылы шырша сатып алмақ болған. Сөйтіп, Instagram-нан шырша сатылатыны туралы жарнама көрген. Сатушы өнімнің жоғары сапасы мен тез жеткізу қызметіне кепілдік берген. Хат алмасудан кейін әйел оған 160 мың теңге аударған.
Аталған фактіге сәйкес «Алаяқтық» бабы бойынша сотқа дейінгі тергеу басталды. Полицейлер болған оқиғаның барлық мән-жайын және қаскүнемнің жеке басын анықтап жатыр.
Құқық қорғау органдары Жаңа жыл қарсаңында азаматтардың онлайн-сатып алу кезінде аса сақ болуы керегін, тексерілмеген сатушыларға ақша аудармауын және мүмкіндігінше ақшаны қайтару кепілдігімен ресми дүкендер мен қызметтерді пайдалануы қажеттігін еске салады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе