Нұр-Сұлтан
Қазір
2
Ертең
1
USD
450
-0.49
EUR
487
-1.57
RUB
4.86
0.00

“Үстіме бензин құйды…”. Алматылық келіншек отбасылы адамның өзін зорлап-қорлағанын айтты

1421

https://kaz.365info.kz/bajym-meni-teksiz-khatynsyn-dep-tepkilejdi-334418

“Көліктен тапанша алып шығып, отыр деді. Баламен бірге көлікке салып Ұзынағаш жаққа ашық далаға алып барды. Баланы өлтірем деді, үстіме бензин құйып өртеп жібермекші болды. “Сен қаш, мен атамын, тимесе аман қаласың” деді. Полицияға бірден арыздануға қорықтым, әлі де қорқамын”, – дейді Дина Майғожина.

Келіншектің айтуына қарағанда, оны қорлап, зорлық көрсеткен азамат өзінің бұрынғы махаббаты. Екеуінің арасында осыдан төрт жыл бұрын махаббат оты тұтанған. Алайда Дина азаматтың отбасылы екенін кейін білген ұқсайды.

Күйеуім бәле іздеп тұрады. Не істейм? Білмеймін уже…

Күдікті келіншекті несиеге көлік алуға үгіттеген. Бүгінде темір тұлпар азаматтың астында. Автоны қайтаруды сұрағанда Динаға да, оның жақындарына да сес көрсеткен. Тіпті, анасына қару кезеген. Ал осыдан 1 ай бұрын болған оқиға келіншектің де, оның анасының да есінен кетер емес.

“Дворға әкеліп тастап кетіпті. Үсті-басы быт-шыт қызымның. Жыртылған, көгала қойдай. Денесінің мына жақтарының бәрін ұрған, басының бәрі шишка-шишка. Бұл жылап, үндемей отыр екен”, – дейді зардап шегушінің анасы Риза Мұсаханова.

Алғашында Алматының Әуезов аудандық полициясына шағым айтып барғанда, олар оқиға болған Жамбыл ауданына бағыттаған. Төрт күн өткен соң шағымды қабылдаған Ұзынағаштағы тәртіп сақшылары сараптама тағайындап, тергеуді бастапты. Ал сараптама қорытындысы енді дайын болды.

«Күйеуім кісі жалдады…». Ажырасқан келіншек айтпағанды айтты (видео)

“Қылмыстық іс Жамбыл аудандық Ішкі істер бөлімінің өнідірісінде. Дегенмен, Алматы облыстық ішкі істер басқармасының бақылауына алынған. Аталған факті бойынша тағайындалған сараптаманың қорытындысы алынды”,- дейді Алматы облыстық ІІД баспасөз қызметінің өкілі Серік Үпиев.

Күдіктіге қатысты Қылмыстық Кодекстің 120 бабы, яғни зорлау дерегі бойынша іс қозғалған. Егер Дина Майғожина жапа шектім деген азаматтың қылмысы дәледенсе, оған сот 5 жылдан 10 жылға дейін жаза кесуі мүмкін.

Дереккөз: Stan.kz.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз