“Қолы дірілдеп…”. Бір қыз тойдағы көп қазақтың кемшілігін ашып айтты
Анаргүл Шалғынбай қазақтың қонақ күту мәдениетін сынады.
Қонаққа бара қалсаң, алдыңдағыны уыстап салып алады. Етті де ешкім білек сыбанып турамайды. Кесектеп бөліп пакеттерін дайындап отырады. Оны бөліп беретін шеберлері болады екен))) Сары майды салып алатындарды көрдім. Осы біздің қазақ аштан өлген бе?
Бір шаңырақтың жинап терген берекесін талап әкетеді. Обал емес пе? Дастархан басынан дәм татса да болады ғой. Тойда “Сарқыт” деген болады. Үй иесі өзі пейілімен беріп жатса, сүрініп қашып әрең аламыз.
Тойда шашылатын қазақпыз. Соны сылтауратып, дастарханын бір дән қалдырмай сипап кету, адамгершіліктен ада іс қой.
Қаралы шаңырақтан да дорбалап ас тасиды. Ау, (әсіресе) ақ жаулықты аналар, етек-жеңін жапқан парасатты келіншектер қойсаңыздаршы. Ұятты ысырып қойып, біреудің несібесін тонамайық.
Келіндеріңіз бен қыздарыңызға әр қайсыңыз түсіндіріп айтып отырсаңыздар, осындай ыңғайсыз жағдайлар қайталанбас еді.
Тыйып отырған қариялар бірең-сараң . Керек десең өзі таласып жүреді кемсеңдеп, қолы дірілдеп.
https://kaz.365info.kz/zhaman-khyz-khydyrali-bolmanov-khyskha-kietin-ariptesterin-synap-tastady-330083
Ынсап пен ар, ақыл мен ұят егіз ұғым. Ендеше қолды тыймай, ауызбен орақ орып, пәлсафа соғу бекершілік. Ойланайықшы!
Біреудің үйінен әкелген бір түйір ет ас бола ма?…
https://kaz.365info.kz/ystine-shygyp-khydalykhtagy-ajelderdin-areketine-kopshilik-tankhaldy-video-330041
Анаргүл Шалғынбай
Фейсбуктегі парақшасынан
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе