Қазақстанның оңтүстігінде 5 балдық жер сілкінісі тіркелді

28 наурыз, 10:14

Құтқарушылардың хабарлауынша, табиғи апаттан қаза тапқандар мен зардап шеккендер жоқ. Сондай-ақ, жер сілкінісінен кейін «Қазселқорғаныс» мамандары гидротехникалық құрылыстарды, көшкін және сел қаупі бар аумақтарды тексерген. Олар тіршілікті қамтамасыз ету нысандарын да бақылаудан өткізіп, ешқандай зақымдану анықталмағанын мәлімдеді.

Төтенше жағдайлар министрлігінің мәліметінше, сейсмикалық жағдайды бақылау үшін жедел штаб құрылып, аумақтық бөлімшелермен бейнеконференция режимінде жиналыс өткізілді.

«Жағдай тұрақты, барлық құтқару бөлімшелері қажет болған жағдайда жедел әрекет етуге дайын. Жамбыл облысындағы химиялық қауіпті бес нысан тексерілді, ешқандай қауіп анықталған жоқ», – деп хабарлады ТЖМ.

#жамбыл #зілзала #дүмпу