Қазақстанның Азия даму банкінен 240 млн доллар қарыз алу жөніндегі заң қабылданды
Парламент сенаты Қазақстан мен Азия даму банкі арасындағы қарыз жөніндегі келісімді ратификациялау туралы заңды қабылдады.
Бұл туралы Sputnik Қазақстан хабарлады.
“Орталық-Батыс дәлізінің құрамына кіретін Ақтөбе-Атырау-Ресей Федерациясы шекарасы (Астраханға баратын жол) автомобиль жолының Ақтөбе-Мақат жобасын қайта жаңғыртуға Азия даму банкімен қарыз туралы келісімді ратификациялау бойынша заң жобасын ұсынамыз. Аталған жоба екі учаскеге бөлінген. Оларды қаржыландыру көздері Азия Даму банкі (299 км) және Ислам даму банкі (156 км) қаражаты есебінен жоспарланғанын атап өтемін”, — деп баяндады ҚР Инвестициялар және даму министрі Жеңіс Қасымбек.
“Бұл қаражат Ақтөбе мен Мақат елді мекендері арасындағы ұзақтығы 299 км болатын екі жолақты және екінші техникалық санаттағы жол учаскесін қайта қалпына келтіруге бағытталады. Учаскеде асфальт-бетон жамылғы, 11 көпір, 149 су өткізгіш құбырының құрылысы жоспарланған”, — деді министр.
Жоба 2017-2021 жылдары іске асырылмақ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе