Өзбекстан билігіне Шавкат Мирзёев келгелі бері тарихи отанымен түрлі кәсіптер ашушы, қайырымдылықпен айналысушы өзбек миллиардерлері көбейді. Қазақстанда ресми миллиардер деп танылған кәсіпкер Фаттох Шодиев Өзбекстанда өз қорын құруды көздеп отыр.
Әділет министрлігі Шодиевтің Халықаралық қорының Өзбекстандағы бөлімін тіркеді. Министрлік сайтындағы мәліметке қарағанда, қор бөлімі Өзбекстан аумағындағы балалар үйлеріне гуманитарлық және денсаулық жағынан көмек береді.
Өзбекстан үкіметі мақұлдаған Tashkent City жобасын да Шодиев жүргізеді, деп хабарлады дереккөз. Бұл жобаның құны – 1 миллиард доллар.
“Қазір Фаттох Шодиев Ташкентте жүр. Өзбекстанның бүкіл байлары соның қасынан шықпайды. Ол Ташкент орталығында 20 қабатты екі сауда орталығын салуды көздеп отыр”, – деді дереккөз.
2017 жылы Шодиев Forbes журналының байлар тізімінде 1161-орын алды. Оның байлығы – 1 миллиард 840 миллион доллар.