Нұр-Сұлтан
Қазір
3
Ертең
4
USD
450
-0.49
EUR
487
-1.57
RUB
4.86
0.00

Қазақстандық атлеттер әртүрлі жылдардың олимпиада медальдерінің иегері атанды

111

Жүлдегер атанғандар: зілтеміршілер Алла Важенина – алтын медаль, Анна Нұрмұхамбетова – қола медаль, жеңіл атлет Ольга Рыпакова – күміс жүлде.

ХОК мен Спорттық арбитраж соты (CAS) 75 кг салмақ дәрежесі бойынша қатысқан қытай атлеті Лей Цаоның допинг-сынамасы оң нәтиже көрсеткен соң алтын жүлдеден айырды. Оның медалін қазақстандық Алла Важенина алды.

Ольга Рыпакова Олимпиада-2008 кезінде төртінші орынға табан тіреген болатын, бірақ ресейлік Татьяна Лебедева мен грек қызы Хрисопия Деветцидің допинг пайдаланғаны расталған соң, олар күміс және қола жүлделерінен қағылып, ал Рыпакова тиісінше екі сатыға көтерілді – күміс жүлде.

Сочидегі Олимпиада-2012 қола жүлдесі Анна Нұрмұхамбетованың қанжығасына байланды. 69 кг салмақ дәрежесінде қатысқан спортшы алты жыл бұрын бесінші орын алған еді.

Бірақ екінші және үшінші орындағы беларусь атлеттері Марина Шкерманкова мен Дина Сазановец допинг кесірінен жүлделерінен айырылып, отандасымыз қола медаль иеленіп отыр.

ХОК шешімі бойынша, спортшы қыздар марапаттау рәсімі қашан өтетінін өздері таңдай алады: ХОК-тің ірі шарасында, Халықаралық федерация шарасында, келесі Олимпиада ойындарында немесе Олимпиада музейінде.

Ауыр атлетика бойынша Олимпиада-2016 қола жүлдегері атанған Денис Уланов өз қалауына сәйкес Ашхабадта 2018 жылғы әлем чемпионаты кезінде марапатталды.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз