Қазақстанда ескі көліктер үшін ақылы жолдарда жүру қымбат болады

Елімізде ескі көліктер үшін ақылы жолдарда жүру тарифі көтеріледі, – деп хабарлайды Tengrinews.kz.

“Қазавтожол” ҰҚ” өкілдері Kolesa.kz басылымына бұл тарифті 2-3 жылдан кейін енгізу жоспарланып отырғанын айтады.

“Ескі көлік иелеріне 2020-2021 жылдардан бастап ақылы жолдарда тарифті қымбаттату жоспарланып отыр. Сол уақытқа дейін ақылы тасжолдарға қатысты ережелерді реттейтін ресми құжаттарға өзгерістер енгізіледі. Нәтижесінде Еуро-4 стандартынан төмен көлік иелеріне жүру ақысы 20-30 пайызға қымбат болады”, – дейді “Қазавтожол” ҰҚ” өкілдері.