Қазақстан Қытайдан әскери ұшақ алатын болды
Қытай Қазақстан қарулы күшіне Shaanxi Aircraft Corporation компаниясы жасап шығарған Y-8F200W әскери-көлік ұшағын бермек.
Қорғаныс және қауіпсіздік мәселелерін талдайтын Jane’s 360 сайты ТМД елдері ішінен Қазақстан Y-8F200W ұшағын бірінші болып қолданғалы жатыр деп хабарлайды.
Бірқатар БАҚ-тың жазуынша, Ұлттық гвардияға (ІІМ құрамына кіреді) тиесілі болатын ұшақ 26 қыркүйекте Астана әуежайына қонады. Y-8F200W базалық нұсқасынан 2,2 метрге ұзын. Ол дайындалмаған ұшып-қону жолдарын пайдалана алады әрі әскер қызметкерлері мен жабдықтарды тасуға арналған.
Қытайдан Қазақстанға әскери ұшақ жіберілетіні жайында қыркүйек айының басында Қытайдың әскери кеңесінің төраға орынбасары Сюй Цилянның Астанаға сапары кезінде мәлім болды. Батыс ақпарат құралдары Сюй Цилянның Орталық Азияға сапары жайында Бейжің аймақтағы қауіпсіздік мәселесін күшейтіп жатыр деп жазды. Қазақстанда Сюй Цилян сенат спикері Қасым-Жомар Тоқаевпен және қорғаныс министрі Нұрлан Ермекбаевпен кездесті.
Дерек көз:Ктк.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе