Қазақстан Қытайдан алған сыртқы қарызын өтеді
Қазақстан Қытайдың мемлекеттік және қаржылық ұйымдарынан тартқан сыртқы қарыздарын жапты, деп хабарлайды Ұлттық банктің баспасөз қызметіне сілтеме жасаған Sputnik Қазақстан агенттігі.
Еліміздің бас банкі таратқан хабарламада 2018 жылғы бірінші тоқсанда Қазақстанның сыртқы қарызы 0,8 миллиард АҚШ долларына қысқарып, 166,6 миллиард АҚШ долларын құрағаны айтылады.
“Қарыздың азаюына Қытайдың мемлекеттік және қаржылық ұйымдарынан тартылған сыртқы қарыздардың өтелуі, сондай-ақ қазақстандық эмитенттердің борыштық бағалы қағаздарының нарықтық құнының төмендеуі және соның салдарынан оларға сұраныстың құлдырауы себеп болды”, — делінген таратылған ақпаратта.
2018 жылдың 1 сәуірінде 27,1 миллиард АҚШ долларын құраған мемлекет бақылайтын ұйымдардың сыртқы борышы (банктер мен мемлекеттік сектор капиталына 50%-дан астам тікелей немесе жанама қатысатын ұйымдар) жеке қарастырылады. 2018 жылдың бірінші тоқсанында шетелдік еншілес ұйымдардан алынатын сыртқы қарыздарды игеруді жалғастыру есебінен Қытай банктері алдындағы кредиттер мерзімінен бұрын өтелді, сондай-ақ квазимемлекеттік эмитенттер еурооблигацияларының нарықтық құны төмендеді, соның арқасында қарыз 0,3 миллиард долларға азайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе